[29] นสุขาย เวทนาย สมฺปยุตฺโต นอพฺยากโต ธมฺโม สุขาย เวทนาย สมฺปยุตฺตสฺส อพฺยากตสฺส ธมฺมสฺส อารมฺมณปจฺจเยน ปจฺจโย… อารมฺมเณ จุทฺทสฯ

3-1. วิปากตฺติก-กุสลตฺติกํ

[30] นวิปากํ นกุสลํ ธมฺมํ ปจฺจยา วิปากธมฺมธมฺโม กุสโล ธมฺโม อุปฺปชฺชติ เหตุปจฺจยา… เหตุยา ตีณิฯ

นวิปากํ นอกุสลํ ธมฺมํ ปจฺจยา วิปากธมฺมธมฺโม อกุสโล ธมฺโม อุปฺปชฺชติ เหตุปจฺจยา… เหตุยา ตีณิฯ

นวิปากํ นอพฺยากตํ ธมฺมํ ปฏิจฺจ เนววิปากนวิปากธมฺมธมฺโม อพฺยากโต ธมฺโม อุปฺปชฺชติ เหตุปจฺจยา… เหตุยา ตีณิฯ

4-1. อุปาทินฺนตฺติก-กุสลตฺติกํ

[31] นอนุปาทินฺนุปาทานิยํ นกุสลํ ธมฺมํ ปจฺจยา อนุปาทินฺนุปาทานิโย กุสโล ธมฺโม อุปฺปชฺชติ เหตุปจฺจยา… เหตุยา ฉฯ

นอนุปาทินฺนุปาทานิยํ นอกุสลํ ธมฺมํ ปจฺจยา อนุปาทินฺนุปาทานิโย อกุสโล ธมฺโม อุปฺปชฺชติ เหตุปจฺจยา… เหตุยา ตีณิฯ

นอุปาทินฺนุปาทานิยํ นอพฺยากตํ ธมฺมํ ปฏิจฺจ อนุปาทินฺนุปาทานิโย อพฺยากโต ธมฺโม อุปฺปชฺชติ เหตุปจฺจยา… เหตุยา ปญฺจฯ

5-1. สํกิลิฏฺฐตฺติก-กุสลตฺติกํ

[32] นสํกิลิฏฺฐสํกิเลสิกํ นกุสลํ ธมฺมํ ปจฺจยา อสํกิลิฏฺฐสํกิเลสิโก กุสโล ธมฺโม อุปฺปชฺชติ เหตุปจฺจยา… เหตุยา ฉฯ

นสํกิลิฏฺฐสํกิเลสิกํ นอกุสลํ ธมฺมํ ปจฺจยา สํกิลิฏฺฐสํกิเลสิโก อกุสโล ธมฺโม อุปฺปชฺชติ เหตุปจฺจยา… เหตุยา ตีณิฯ

นสํกิลิฏฺฐสํกิเลสิกํ นอพฺยากตํ ธมฺมํ ปฏิจฺจ อสํกิลิฏฺฐสํกิเลสิโก อพฺยากโต ธมฺโม อุปฺปชฺชติ เหตุปจฺจยา… เหตุยา ฉฯ

6-1. วิตกฺกตฺติก-กุสลตฺติกํ

[33] นสวิตกฺกสวิจารํ นกุสลํ ธมฺมํ ปจฺจยา สวิตกฺกสวิจาโร กุสโล ธมฺโม อุปฺปชฺชติ เหตุปจฺจยา… เหตุยา ปนฺนรสฯ

นสวิตกฺกสวิจารํ นอกุสลํ ธมฺมํ ปจฺจยา สวิตกฺกสวิจาโร อกุสโล ธมฺโม อุปฺปชฺชติ เหตุปจฺจยา… เหตุยา นวฯ

นสวิตกฺกสวิจารํ นอพฺยากตํ ธมฺมํ ปฏิจฺจ อวิตกฺกอวิจาโร อพฺยากโต ธมฺโม อุปฺปชฺชติ เหตุปจฺจยา… เหตุยา สตฺตฯ

7-1. ปีติตฺติก-กุสลตฺติกํ

[34] นปีติสหคตํ นกุสลํ ธมฺมํ ปจฺจยา ปีติสหคโต กุสโล ธมฺโม อุปฺปชฺชติ เหตุปจฺจยา… เหตุยา อฏฺฐวีสฯ

นปีติสหคตํ นอกุสลํ ธมฺมํ ปจฺจยา ปีติสหคโต อกุสโล ธมฺโม อุปฺปชฺชติ เหตุปจฺจยา… เหตุยา อฏฺฐวีสฯ

นปีติสหคโต นอพฺยากโต ธมฺโม ปีติสหคตสฺส อพฺยากตสฺส ธมฺมสฺส อารมฺมณปจฺจเยน ปจฺจโยฯ (สํขิตฺตํฯ) อารมฺมเณ อฏฺฐวีส, อธิปติยา อนนฺตเร อฏฺฐวีส…เป.… อุปนิสฺสเย อฏฺฐวีส, กมฺเม จตุวีส, นตฺถิยา วิคเต อฏฺฐวีสฯ

8-1. ทสฺสนตฺติก-กุสลตฺติกํ

[35] นทสฺสเนน ปหาตพฺพํ นกุสลํ ธมฺมํ ปจฺจยา เนวทสฺสเนน นภาวนาย ปหาตพฺโพ กุสโล ธมฺโม อุปฺปชฺชติ เหตุปจฺจยา… เหตุยา ตีณิฯ

นทสฺสเนน ปหาตพฺพํ นอกุสลํ ธมฺมํ ปจฺจยา ทสฺสเนน ปหาตพฺโพ อกุสโล ธมฺโม อุปฺปชฺชติ เหตุปจฺจยา… เหตุยา ฉฯ

นทสฺสเนน ปหาตพฺพํ นอพฺยากตํ ธมฺมํ ปฏิจฺจ เนวทสฺสเนน นภาวนาย ปหาตพฺโพ อพฺยากโต ธมฺโม อุปฺปชฺชติ เหตุปจฺจยา… เหตุยา ฉฯ

9-1. ทสฺสนเหตุตฺติก-กุสลตฺติกํ